એલોન મસ્કનું અવકાશયાન હવે ચંદ્ર પર : SpaceX કંપનીના મૂન લેન્ડરને ચંદ્રની ભ્રમણકક્ષામાં મોકલ્યું
- 16 Feb, 2024
ચંદ્રયાન-3ના ચંદ્ર પર ઉતરાણ સાથે, ભારત ચંદ્રના દક્ષિણ ધ્રુવની નજીક સોફ્ટ લેન્ડિંગ કરનાર વિશ્વનો પ્રથમ દેશ બની ગયો છે. જે બાદ હવે એલોન મસ્કની કંપની પણ ચંદ્ર પર અવકાશયાન લેન્ડ કરવા જઈ રહી છે. SpaceX એક ખાનગી કંપનીના મૂન લેન્ડરને ચંદ્રની ભ્રમણકક્ષામાં મોકલ્યું છે.
ભારતના ચંદ્રયાન સાથે ઈતિહાસ રચ્યા બાદ હવે એલન પણ ચંદ્ર પર અવકાશયાન ઉતારવાની તૈયારી કરી રહ્યા છે. હકીકતમાં, ચંદ્રયાન-3ના ચંદ્ર પર ઉતરાણ સાથે, ભારત ચંદ્રના દક્ષિણ ધ્રુવની નજીક સોફ્ટ લેન્ડિંગ કરનાર વિશ્વનો પ્રથમ દેશ બની ગયો છે. એલોન મસ્ક પણ ભારતની આ ઐતિહાસિક સફળતાના ચાહક બની ગયા છે. જેના કારણે હવે તેમની કંપની ચંદ્ર પર અવકાશયાન લેન્ડ કરવા જઈ રહી છે. તમને જણાવી દઈએ કે, સ્પેસએક્સે એક ખાનગી કંપનીના મૂન લેન્ડરને ચંદ્રની કક્ષામાં મોકલ્યું છે. આ કંપનીનું નામ Intuitive Machines છે, જે હ્યુસ્ટન સ્થિત છે.
પ્રથમ ખાનગી મૂન લેન્ડર ફ્લોરિડાના કેપ કેનાવેરલથી લોન્ચ કરવામાં આવ્યું છે. તેનું નામ ઓડીસિયસ લેન્ડર છે, તેને IM-1 લેન્ડર પણ કહેવામાં આવી રહ્યું છે. તેને લોન્ચ કરવા માટે SpaceX Falcon 9 રોકેટનો ઉપયોગ કરવામાં આવ્યો છે. એવી અપેક્ષા છે કે તે 22 ફેબ્રુઆરીએ ચંદ્રના દક્ષિણ ધ્રુવ એટલે કે ભારતના વિક્રમ લેન્ડર સુધી પહોંચશે. જો બધું બરાબર રહ્યું તો આ પહેલીવાર બનશે જ્યારે કોઈ ખાનગી કંપની ચંદ્ર પર અવકાશયાન સફળતાપૂર્વક લેન્ડ કરશે.
આ લેન્ડર નાસાના કોમર્શિયલ પ્રોગ્રામ – લુનર પેલોડ સર્વિસ હેઠળ બનાવવામાં આવ્યું છે. તેના લોન્ચિંગ માટે, NASA એ Intuitive Machines સાથે $118 મિલિયન (લગભગ રૂ. 980 કરોડ) નો સોદો કર્યો હતો. તમને જણાવી દઈએ કે, અગાઉ આ મિશન 14 ફેબ્રુઆરીએ લોન્ચ થવાનું હતું, પરંતુ વિન્ડો ફ્યુઅલ (મીથેનના તાપમાનમાં ફેરફાર)ની સમસ્યાને કારણે તે થઈ શક્યું ન હતું. આ પછી તેને 15 ફેબ્રુઆરીએ લોન્ચ કરવામાં આવ્યું હતું. જો પ્રક્ષેપણ સફળ રહેશે તો આ લેન્ડર 22 ફેબ્રુઆરીએ ચંદ્રની સપાટી પર ઉતરશે. IM-1 Odysseus Private Lunar Lander એ કુલ 16 દિવસનું મિશન છે. ચંદ્રની સપાટી પર ઉતર્યા બાદ તે 7 દિવસ સુધી કામ કરશે.
જ્યારે ભારતનું ચંદ્રયાન ચંદ્ર પર ગયું ત્યારે સ્પેસએક્સ કંપનીના માલિક એલોન મસ્ક કે જેઓ વિશ્વના ટોચના અબજોપતિઓમાં સામેલ છે, તેમણે ટ્વીટનો જવાબ આપતા કહ્યું કે ભારતે તેનું સ્પેસક્રાફ્ટ ચંદ્ર પર મોકલ્યું છે જેનું બજેટ ફિલ્મ ઈન્ટરસ્ટેલર કરતા પણ ઓછું છે. ભારતના ચંદ્રયાન-3 મિશનનું બજેટ આશરે રૂ. 620 કરોડ ($75 મિલિયન) હતું જ્યારે ઇન્ટરસ્ટેલરનું બજેટ $165 મિલિયન હતું. મસ્કે કહ્યું કે આ ભારત માટે સારું છે.આ એ જ મસ્ક છે જેણે હજારો ઉપગ્રહોથી માંડીને મંગળ પર વસાહત સ્થાપવા સુધીની ભવ્ય યોજના બનાવી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ